កីឡាការិនីជឺជីតស៊ូ ញឹម រក្សា ថ្លែងថា ការបន្ថែមជំនាញជាអាជ្ញាកណ្ដាលក្នុងការប្រកួតជើងឯកថ្នាក់ជាតិថ្មីៗនេះ ព្រោះចង់បានបទពិសោធឈានទៅអភិវឌ្ឍជាអាជ្ញាកណ្ដាលកម្រិតអន្តរជាតិនាពេលអនាគត។
កីឡាការិនីមានកំណើតនៅរាជធានីភ្នំពេញឱ្យដឹងថា ទើបចាប់ផ្ដើមរៀនពីតួនាទីពីអាជ្ញាកណ្ដាលត្រឹមមួយខែមុនការប្រកួតប៉ុណ្ណោះ តែដោយសារជាអ្នកហ្វឹកហាត់កីឡានេះស្រាប់ ទើបអាចឆាប់ចាប់បាននូវមូលដ្ឋានគ្រឹះ និងបច្ចេកទេសផ្សេងៗ។
អាជ្ញាកណ្ដាលវ័យក្មេងដដែលលើកឡើងថា មានអារម្មណ៍ភ័យខ្លះដែរសម្រាប់តួនាទីថ្មីថ្មោងមួយនេះ តែថា នឹងព្យាយាមបន្ថែមទៀតឱ្យបានកាន់តែប្រសើរ។
ញឹម រក្សា ចាប់ផ្ដើមហ្វឹកហាត់កីឡាជឺជីតស៊ូកាល៧ឆ្នាំមុន កាលនៅសិក្សាក្នុងអង្គការមួយកន្លែង និងបានជាប់ជម្រើសជាតិក្នុងឆ្នាំ ២០២២៕
