ព័ត៌មានលម្អិត

ព្រឹត្តិការណ៍កីឡាអូឡាំពិកកុមារបណ្ដុះ និងបញ្ជ្រាបគុណតម្លៃដល់កុមារ

Published on 30-09-2025 694 មើល

ព្រឹត្តិការណ៍កីឡាកុមារអូឡាំពិក (Baby Olympics) លើកដំបូងនៅកម្ពុជា នឹងប្រព្រឹត្តនៅថ្ងៃទី១ ខែកុម្ភៈ ឆ្នាំ២០២៦ នៅផ្សារអុីអន៣ មានជ័យ។

ឯកឧត្ដម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាមានប្រសាសន៍ថា ព្រឹត្តិការណ៍កីឡាដ៏ពិសេសនេះបង្ហាញពីគោលការណ៍នៃចលនាអូឡាំពិកដែលធ្វើឱ្យកុមារមានវិន័យ ចេះបង្កើតមិត្តភាព មានទំនាក់ទំនងល្អ និងមានភាពក្លាហាន។ កុមារក៏នឹងមានឆន្ទៈ ចេះប្រឹងប្រែងខ្លួនឯង សម្រេចចិត្តខ្លួនឯង។

Uploaded image

ឯកឧត្ដម វ៉ាត់ ចំរើន បន្ថែមថា ព្រឹត្តិការណ៍កីឡាកុមារអូឡាំពិកនឹងបណ្ដុះ និង បញ្ជ្រាបគុណតម្លៃអូឡាំពិកក៏ដូចជាអត្ថប្រយោជន៍នៃការលេងកីឡាដល់កុមារ និងឪពុកម្ដាយ។

សម្រាប់ការចុះឈ្មោះចូលរួម ឪពុកម្ដាយអាចចូលតាមគេហទំព័រ olympiccambodia.com ដោយចំនួនមានកំណត់ត្រឹម៥៥៥នាក់ប៉ុណ្ណោះក្នុងឆ្នាំទី១នេះ។ ក្រៅពីរង្វាន់សម្រាប់ជ័យលាភី កុមារដែលបង្ហាញឆន្ទៈជាអ្នកកីឡាក៏អាចទទួលបានពានរង្វាន់ sport spirits ដែរ។

កុមារអាចចូលរួមបានមានអាយុពី១ឆ្នាំដល់៧ឆ្នាំ និងមាន១០ប្រភេទកីឡា។

Uploaded image