ក្រុមអត្តពលិកកីឡាទូកក្ដោងកម្ពុជាឈ្នះបានមេដាយមាសមួយគ្រឿងពីការប្រកួតព្រឹត្តិការណ៍កីឡាទូកក្តោង 45th Singapore Open Windsurfing, Wing & Wind Foiling Championship 2026 នៅប្រទេសសិង្ហបុរី ដែលបានរៀបចំឡើងចាប់ពីថ្ងៃទី១២ ដល់ថ្ងៃទី១៥ ខែកុម្ភៈ ឆ្នាំ២០២៦។
ជាក់ស្ដែងកីឡាករ កែវ ភារុណ បានឈ្នះមេដាយមាសលើវិញ្ញាសា Windsurfing Techno 293 Open ក្នុងចំណោមកីឡាករចំនួន ៩រូប។ ទន្ទឹមនេះ កីឡាករ សែម ប្រុសពៅ ប្រកួតលើវិញ្ញាសា IQ:Foil Open ទទួលបានចំណាត់ថ្នាក់លេខ៤ ក្នុងចំណោមកីឡាករ ៧នាក់។
ព្រឹត្តិការណ៍ប្រកួតកីឡាទូកក្តោងជើងឯកប្រទេសសឹង្ហបុរី 45th Singapore Open Windsurfing, Wing & Wind Foiling Championship 2026 មានការចូលរួមពីកីឡាករ កីឡាការិនីសរុប ៥០នាក់ មកពីបណ្តាប្រទេសក្នុងតំបន់ ហើយព្រឹត្តិការណ៍ប្រកួតនេះ គឺជាឱកាសមួយដ៏មានសារៈសំខាន់សំរាប់ក្រុមកីឡាទូកក្តោងកម្ពុជា ក្នុងការពង្រឹងសមត្ថភាព និងជាពិសេសការប្រកួតប្រជែង ដើម្បីត្រៀមខ្លួនឆ្ពោះទៅកាន់ការប្រកួតកីឡាអាស៊ីលើកទី២០ដែលគ្រោងនឹងប្រព្រឹត្តទៅក្នុងខែកញ្ញា ឆ្នាំ២០២៦ នៅទីក្រុង Aichi-Nagoya ប្រទេសជប៉ុន។
សហព័ន្ធកីឡាទូកក្ដោងកម្ពុជាចាត់ទុកថា នេះគឺជាជោគជ័យថ្មីមួយរបស់សហព័ន្ធកីឡាទូកក្តោងកម្ពុជា នៅដើមឆ្នាំ២០២៦ ដែលក្រុមកីឡាករទូកក្តោងកម្ពុជាឈ្នះមេដាយមាស ពីការប្រកួតកីឡាទូកក្តោងប្រភេទ Windsurfing Techno 293 ជាលក្ខណៈអន្តរជាតិ។ ជ័យជម្នះនេះក៏បានកើតឡើងក្រោមការដឹកនាំ និងចង្អុលបង្ហាញរបស់ ឯកឧត្តម Gordon Tang ប្រធានសហព័ន្ធ និងឯកឧត្តម ថោង រដ្ឋសក្កិ អនុប្រធានអចិន្ត្រៃយ៍នៃសហព័ន្ធ ដែលតែងតែផ្តល់ឱកាសដល់កីឡាករ កីឡាការិនី ចេញទៅចូលរួមប្រកួតជាលក្ខណៈអន្តរជាតិ រហូតបានយកមេដាយម
សូមបញ្ជាប់ផងដែរថា សហព័ន្ធកីឡាទូកក្ដោងកម្ពុជាគ្រោងនឹងបញ្ជូនកីឡាករ កីឡាការិនី ចេញទៅចូលរួមការប្រកួតជាលក្ខណៈអន្តរជាតិជាបន្តបន្ទាប់ដូចជានៅប្រទេសម៉ាឡេស៊ី និងប្រទេសសិង្ហបុរី ដើម្បីបន្តប្រកួតប្រជែងដណ្តើមមេដាយជូនជាតិ៕
