កីឡាករ យុវជនជម្រើសជាតិកម្ពុជា ភុក ដានីញែល ទទួលបានមេដាយសំរិទ្ធ ១ គ្រឿង លើប្រភេទកីឡាបញ្ចស៊ីឡាត់ ក្នុងព្រឹត្តិការណ៍កីឡាយុវជនទ្វីបអាស៊ី លើកទី៣ កាលពីល្ងាចថ្ងៃទី២០ ខែតុលា ឆ្នាំ ២០២៥ នៅប្រទេសបារ៉ែន។
កីឡាករ ភុក ដានីញែល បានឡើងដល់វគ្គពាក់កណ្តាលផ្តាច់ព្រ័ត្រ ដោយជួបកីឡាករឥណ្ឌូណេស៊ី Habbil Furgon Winata ដែលជាម្ចាស់ក្បាច់គុនលើប្រភេទកីឡាបញ្ចស៊ីឡាត់នេះ ហើយបានចាញ់ ដើម្បីទទួលបាន មេដាយសំរិទ្ធ ១ គ្រឿង សលើវិញ្ញាសាប្រយុទ្ធទម្ងន់ ៥៥គីឡូក្រាម។
នេះជាមេដាយលើកដំបូងសម្រាប់ប្រទេសកម្ពុជាដែលទទួលបានក្នុងកីឡាយុវជនទ្វីបអាស៊ី បន្ទាប់ពីធ្លាប់ចូលរួមប្រកួតពីរលើកកន្លងមកមិនធ្លាប់ទទួលបានមេដាយ។ លើកទី១ ឆ្នាំ២០១៩ នៅប្រទេសសិង្ហបុរី កម្ពុជា បានបញ្ជូនអត្តពលិកចូលរួមប្រកួតចំនួន ៣ នាក់ ប៉ុន្តែមិនទទួលបានលទ្ធផលល្អទេ ហើយលើកទី២ ឆ្នាំ ២០២៣ នៅប្រទេសចិន កម្ពុជា បានបញ្ជូនអត្តពលិក ២ នាក់ចូលរួមប្រកួតហើយក៏មិនទទួលបានមេដាយណាមួយដែរ។
