ការប្រកួតប្រជែងលើវាលស្មៅនៃពានរង្វាន់លីគបាល់ទាត់កំពូលកម្ពុជា Cambodian Premier League រដូវកាល ២០២៦-២៧ នឹងចាប់ផ្ដើមឡើងជាផ្លូវការនៅថ្ងៃសៅរ៍ ទី៥ ខែកញ្ញា ឆ្នាំ២០២៦ ខាងមុខនេះហើយ។
ជាមួយការត្រៀមខ្លួនយ៉ាងសស្រាក់សស្រាំ និងការពង្រឹងកម្លាំងប្រយុទ្ធទាំងកីឡាករក្នុងស្រុក និងបរទេស សប្តាហ៍បើកឆាកនេះត្រូវគេរំពឹងថា នឹងអង្រួនអារម្មណ៍អ្នកគាំទ្រឱ្យពុះកញ្ជ្រោលយ៉ាងខ្លាំង។
ថ្វីបើក្រុមយក្សដូចជា ព្រះខ័នរាជស្វាយរៀង, ភ្នំពេញក្រោន, បឹងកេត, វិសាខា និង ណាហ្គាវើលដ៍ នៅតែជាបេក្ខភាពក្តៅគគុកក្នុងការប្រជែងពាន រដូវកាលថ្មីនេះទំនងមិនមែនជារឿងងាយស្រួលសម្រាប់ពួកគេឡើយ។ ក្រុមសេះបិសាចដូចជា អាយអេសអាយ ដង្កោសែនជ័យ, ឡាយហ្វ ខេត្តព្រះសីហនុ និង អឹមអូអាយ កំពង់ដេវ៉ា សុទ្ធតែបានសម្រួចអាវុធយ៉ាងមុតស្រួច និងរៀបចំកម្លាំងបានយ៉ាងល្អ ដើម្បប្រជែងយកតំណែងកំពូល។
ជំនួបក្ដៅគគុកប្រចាំសប្តាហ៍បើកឆាក
ថ្ងៃសៅរ៍ ទី៥ ខែកញ្ញា ៖
ភ្នំពេញក្រោន vs ណាហ្គាវើលដ៍ (ម៉ោង ៦:០០ ល្ងាច)៖ ជំនួបធំប្រចាំថ្ងៃសៅរ៍នៅដីភ្នំពេញក្រោន នឹងក្លាយជាការតតាំងសមត្ថភាពដ៏ស្កឹមស្កៃរវាងក្រុមកំពូលទាំងពីរ។
អង្គរថាយហ្គឺរ vs អឹមអូអាយ កំពង់ដេវ៉ា (ម៉ោង ៦:០០ ល្ងាច)៖ ការប្រកួតបិទតង់យ៉ាងស្វិតស្វាញ ដើម្បដណ្តើម ៣ ពិន្ទុដំបូងបង្កើនទំនុកចិត្តដើមរដូវកាល។
ថ្ងៃអាទិត្យ ទី៦ ខែកញ្ញា ៖
គិរីវង់សុខសែនជ័យ vs ព្រះខ័នរាជស្វាយរៀង (ម៉ោង ៣:៤៥ រសៀល)៖ ម្ចាស់ជើងឯករដូវកាលចាស់ ស្វាយរៀង ត្រូវធ្វើដំណើរទៅទឹកដីខេត្តតាកែវ ដើម្បីតតាំងជាមួយម្ចាស់ផ្ទះគិរីវង់។
កងយោធពលខេមរភូមិន្ទ vs វិសាខា (ម៉ោង ៦:00 ល្ងាច)៖ ការប្រកួតនៅកីឡដ្ឋានស្តាតចាស់ រវាងទ័ព និងវិសាខា។
អាយអេសអាយ ដង្កោសែនជ័យ vs បឹងកេត (ម៉ោង ៦:០០ ល្ងាច)៖ ជំនួបពិសេសប្រចាំសប្តាហ៍នៅកីឡដ្ឋាន Smart។
ជាមួយនឹងការត្រៀមខ្លួនយ៉ាងល្អ និងការបោះទុននាំចូលកីឡាករថ្មីៗជាច្រើន សប្តាហ៍បើកឆាកនៃលីគកំពូលកម្ពុជា ២០២៦-២៧ នឹងក្លាយជាការប្រកួតដែលមិនអាចរំលងបាន!
